Sakedar maingekan sanak nan alah lupo jo wilayah ranah minang nan kito cinto ko
Jauah nan buliah ditunjuakkan
dakek nan buliah dikakokkan
satitiak bapantang hilang
sabarih bapantang lupo
Kok hilang tulisan dibatu
tulisan limbago tingga juo
Nan salilik Gunuang Marapi
saedaran Gunuang Pasaman
sajajar Sago jo Singgalang
saputaran Talang jo Kurinci
Dari Sirangkak nan badangkang
Hinggo buayo putiah daguak
sampai ka pintu rajo ilia
Durian ditakuak rajo
Sipisau-pisau anyuik
Sialang balantak basi
Hinggo aia babaliak mudiak
Sampai ka ombak nan badabua
Sailiran Batang Sikilang
Hinggo lawik nan sadidih
Ka timua ranah Aia Bangih
Rao jo Mapa Tunggua,
Gunuang Mahalintang.
Pasisia Banda Sapuluah
Inggo tarakak Aia Itam
Sampai ka Tanjuang Simalidu
Pujuak Jambi sambilan lurah
Iko lah Teritorial Wilayah Minang Kabau manuruik Tambo Alam.
Tidak ada komentar:
Posting Komentar