Pramugari Baso Minang

Salamaik datang di Garudo Airlines.

Kapado inyiak, biyai, apak, amak, uda dan uni.. panumpang yg disagani.

Kapatabang ko jenis boiang punyo pintu gadang ciek dimuko, ciek dilakang dan duo pintu tagageh disampiang. Pintu tagageh jan dibukak apolai lo di dongkak.

Tamuek 180 urang nan manumpang, 2 urang pilot, dan 5 urang Awak kabin.. 
Alhamdulillah lai urang sadoee.

Sabalun tabang, labiah rancak sado incek mato madok ka ambo, untuak ka di tarangan caro mamakai ikek pinggang jo benen secara badagok dan santiang.

Kabek arek tali pinggang nan dikursi sampai babunyi badatiak, siap tu irik sampai tagok.. jan arek bana tapanca lo kantuik bekoh. Dan kursi basanda tolong di tagakan.

Kok malang ka tumbuah mahambua meang kapatabang ko k lauik, 
nan benen lah kami sadiokan ciek surang dibawah kursi masiang2,  
jan bacirabuik lo, 
masuak an benen k lihia kabek tali dbawah ee tu hambuih jo perasaan malakik benen cako barangin.
kok indak juo barangin irik an pipa ko kalua sampai benen barangin, dan benen otomatis maiduikan lampu sinyal..
jiko lah mahambua k lauik indak juo kambang benen ee, yoo tapaso do'a nan dipabanyak lai. 

Kok udaro kurang beko, ado masker panutuik muncuang mahambua dr atok ko bekoh untuak panambah-nambah angok eh.. ciri ee warna kuniang batali ijan pulo barabuik.

Kapatabang ko bebas dari hape, asok rokok, kok ka marokok ancak lah dilapau lai bisa ba kupi gai...

Kok sak ka raia, wc lai di balakang kami sadiokan, kok dapek katiko kapatabang tanang k raia dari pado malantiang2 aia ee bekoh..

Kapatabang ko di baok dek pilot Kapten Syamsuar Sutan sampono jo kopilot nan baru mancubo kapatang Herman Bandaro

Kalau ado nan kaliru atau nan kurang sanang bacolah karateh panunjuak nan di adok an kursi masiang2 atau buliah turuik ambo k lakang. 
Benen jo karateh panunjuak jan dipindahan apolai lo sampai bacilok, tangkok pak polisi beko..!

Ateh namo Kapten dan kru nan batugeh kami ucapkan salamaik tabaaang. 
Acok-Acok juo lah handaknyo kito basobok.....