Jumat, Februari 3

Salam Silaturahmi dari Bukittinggi





Assalamualaikum,sanak….!

Ketek ndak basabuik namo
Gadang ndak babilang gala….
Biapun kito ndak basobok muko..
Biapun ndak batamu pandang…
ndak jaleh dima kini tumpaknyo
Asa nan lah tasapo di ruangan fesbuk nangko…
mako; Badunsanak malah kito namonyo…

Dek karano puaso lah dakek pulo….
Bulan mulia untuk malipekgandokan pahalo…
Mako saroman nan taralah,
lah patuik pulo kito rasonyo
maonyokkan tangan manjawekkan salam…
dari hati nan suci muko nan janiah..
untuak manyamparonokoan puaso kito…

kok ado gai kato nan tadorong…
kok lai gai muluik nan talonsong…

maklum sajolah,
dek lidah ndak batulang
dek bibia ndak babingkai…

kato talompek ndak bagantang…
kato tasirek ndak bapamatang…

talantak ka naiak….
talantuang ka turun….

Luko di jari bisa diubek
Luko di hati mambaok upek…

Nak sajuak di dado…tanang kiro-kiro..
dari hati nan suci, muko nan janiah..
iyo RELA jo MAAF dan ambo minta ka dunsanak kasadonyo…..

samo-samo kito maminta ka Nan Kuaso
mudah-mudahan puaso kito nan kiniko lai boneh dari nan biaso…
Amiin…

(salamaek manyamparonokan ibadah puaso, maaf lahia jo batin..
salam silaturahmi dari bukiktinggi....)

oleh Erison J Kambari

Tidak ada komentar: