Kamis, September 6

Pantun Minang (Pituah)


Pulau pandan jauah ditangah
Dibaliak pulau angso duo
Didakek pulau pisang
Hancua badan dikanduang tanah
Budi baiak takana juo
Itu pituah di tanah minang

Den juluak karambia mudo
Buahnyo jatuah katanah
Dimintak urang nan lalu
Jan sampai tajadi babuek doso
Tatampuah larangan allah
Barek doso ka urang ba ilimu

Anak ikan dimakan ikan
Anak tanggiri didalam lauik
Sanak bukan saudaro bukan
dek budi sundik ba sundik

Sicerek ditapi banda
Kok ta tunggik tolong tagakkan
Ambo ketek baru baraja
kok salah tolong banakan

Kayu kalek madang di lurah
Kok randah tolong runduakkan
Ambiak malah sibungo kapeh
Kaganti bungo nan kambang
Dalam daerah ampek angkek
Ambo ketek mudo mantah
Jikok salah tolong tunjuakkan
jikoknyo hanyuik tolonglah pinteh
Jikok gawa tolonglah timbang
Jikok tagamang tolonglah jawek

Tidak ada komentar: